لم يجد أحد محبي المنتخب المصري (أكيد هو مصري و شاد حيله) مكان للتعبير عن فرحته بانتصار منتخب بلاده بكاس أمم إفريقيا إلا الكتابة على أحد عواميد مواقف السيارات في مدينة الكويت 
وانا واقف عند احد إشارات المرور .. لفت انتباهي وجود اللافتة الغبية التالية !!
اخوي الصغير اللي في المرحلة المتوسطة أشار اليها اولا بانها غير مفهومة ولا تدل على شيئ !!
فعلا .. لاعلاقة بالرموز المطبوعة بما كُتب تحتها !!
الزيت التقليد على أرفف أحد فروع لوازم العائلة في أحد الجمعيات التعاونية
الزيت الأصلي .. كفران
شلون قايل التقليد ؛)
بيني باستا .. اول مرة اجرب طبق من هالمطعم .. الطبق لذيذ لذيذ لذيذ .. و قبله جربت شوربة المشروم .. المطعم دش خاطري ..
اول مرة ادخله .. و الانطباع الاول ممتاز .. اذا اتوقع سأكون احد زبائنه.
و أنا مار مع واحد من الربع امس بعد ما تعشينا في فدز .. ولا مطعم Burger Co مغير إعلان المطعم إلى ” برجر وصاج لبناني” !!! وين ترهم هذي بالله !!؟
برجر و صاج لبناني !!؟ مو البرجر خبركم ما ينوكل عالريج .. و ليش ان المعهد التجاري جدام المطعم .. فلازم يتخذ الإجراءات المناسبة لجذب الزباين وقت الصبح و خصوصا الطلبة و الطالبات !!
كاتالوجات إيكيا على أحد سلالم الحريق في أبراج الفنطاس “أبراج عالية و غالية”.
يبدو ان مندوب إيكيا معتمد على حراس المجمع السكني لتوصيل الكاتالوجات إلى سكان المجمع!
مالهم خلق يوصلونهم ..
أفضل Fries بصراحة .. طبق لا يمكن تطوفه لما تروح جوني روكتس
كنت في زيارة لمجمع التلال في الشويخ، كان الوقت مال ريووووق و الجو حده يشجع .. لقيت كافيه في الزاوية اسمه Living Colors، الكافيه حلو و راقي و تصميمه الداخلي بسيط و حلو.
أعجبتني الصورة المطبوعة على الكرتونة اللي تنحط تحت القلاصات وقت التقديم .. ما ادري شسمها عاد.
و إليكم صورة من الريوق .. صراحة أكله حلو
انا خابر يحطون صورة الأمير أو الشيخ جابر الله يرحمه ، بس ما خبرت أحد يحط صور يهال عالجامة الخلفية !!
اسمحلي .. بس اللون ناااار !
ليش تسوي بسيارتك جذي يا الصيدة !!
قاعد أتخيل قائمة الانتظار عنده في المسنجر من كثر الإضافات الجديدة !!
والله انك مسخرة
