iPhoKus

عظيمة يا مصر!!

lrtz911 — Tue, 09 Feb 2010 07:01:12 +0000

لم يجد أحد محبي المنتخب المصري (أكيد هو مصري و شاد حيله) مكان للتعبير عن فرحته بانتصار منتخب بلاده بكاس أمم إفريقيا إلا الكتابة على أحد عواميد مواقف السيارات في مدينة الكويت

ممنوع تعليم القيادة!!

lrtz911 — Sun, 03 Jan 2010 09:04:56 +0000

وانا واقف عند احد إشارات المرور .. لفت انتباهي وجود اللافتة الغبية التالية !!
اخوي الصغير اللي في المرحلة المتوسطة أشار اليها اولا بانها غير مفهومة ولا تدل على شيئ !!
فعلا .. لاعلاقة بالرموز المطبوعة بما كُتب تحتها !!

غفران !!

lrtz911 — Wed, 02 Dec 2009 11:04:08 +0000

الزيت التقليد على أرفف أحد فروع لوازم العائلة في أحد الجمعيات التعاونية

الزيت الأصلي .. كفران

شلون قايل التقليد ؛)

Saso

lrtz911 — Sun, 08 Nov 2009 20:02:45 +0000

بيني باستا .. اول مرة اجرب طبق من هالمطعم .. الطبق لذيذ لذيذ لذيذ .. و قبله جربت شوربة المشروم .. المطعم دش خاطري ..

اول مرة ادخله .. و الانطباع الاول ممتاز .. اذا اتوقع سأكون احد زبائنه.

Burger Co. & … !!?

lrtz911 — Mon, 02 Nov 2009 11:17:51 +0000

و أنا مار مع واحد من الربع امس بعد ما تعشينا في فدز .. ولا مطعم Burger Co مغير إعلان المطعم إلى ” برجر وصاج لبناني” !!! وين ترهم هذي بالله !!؟

برجر و صاج لبناني !!؟ مو البرجر خبركم ما ينوكل عالريج .. و ليش ان المعهد التجاري جدام المطعم .. فلازم يتخذ الإجراءات المناسبة لجذب الزباين وقت الصبح و خصوصا الطلبة و الطالبات !!

IKEA catalogue dilevered !

lrtz911 — Sun, 01 Nov 2009 09:15:27 +0000

كاتالوجات إيكيا على أحد سلالم الحريق في أبراج الفنطاس “أبراج عالية و غالية”.
يبدو ان مندوب إيكيا معتمد على حراس المجمع السكني لتوصيل الكاتالوجات إلى سكان المجمع!

مالهم خلق يوصلونهم ..

Chilli and cheese fries

lrtz911 — Tue, 27 Oct 2009 15:06:53 +0000

أفضل Fries بصراحة .. طبق لا يمكن تطوفه لما تروح جوني روكتس

Living colors

lrtz911 — Mon, 26 Oct 2009 14:25:22 +0000

كنت في زيارة لمجمع التلال في الشويخ، كان الوقت مال ريووووق و الجو حده يشجع .. لقيت كافيه في الزاوية اسمه Living Colors، الكافيه حلو و راقي و تصميمه الداخلي بسيط و حلو.

أعجبتني الصورة المطبوعة على الكرتونة اللي تنحط تحت القلاصات وقت التقديم .. ما ادري شسمها عاد.

و إليكم صورة من الريوق .. صراحة أكله حلو

الجامة الخلفية

lrtz911 — Sun, 25 Oct 2009 13:37:18 +0000

انا خابر يحطون صورة الأمير أو الشيخ جابر الله يرحمه ، بس ما خبرت أحد يحط صور يهال عالجامة الخلفية !!

اسمحلي .. بس اللون ناااار !

BMW Z4 !!

lrtz911 — Sun, 25 Oct 2009 10:18:27 +0000

ليش تسوي بسيارتك جذي يا الصيدة !!
قاعد أتخيل قائمة الانتظار عنده في المسنجر من كثر الإضافات الجديدة !!

والله انك مسخرة